Hveravallaljóð - Gimbra Group Söngurinn

Hoppa kátur út um dyrnar

komið er helgarfrí.

Allt þetta vinnuvesen

bú'nað fá nóg af því.

Samvinnuferðir farnar

og sólin fyrir bí.

Því bruna ég út úr bænum

ævintýrið í.

 

Bílstjórinn er kona

kost það telja verð.

Fyrst ég fór í svona

feminiska ferð.

Nú skal verða gleði

og glaumur fram á nótt.

Ég er ekki á heimleið aftur

fyrr en ég verð sótt.

 

Svo förum við til fjalla

fagurt landið er.

Stefnum til Hveravalla

því þar má vera ber.

Óbyggðirnar kalla

og ég verð að gegna þeim.

Ég veit ekki hvort eða hvernig

eða hvenær ég kemst heim.

 

Brátt svo vinnan bíður

bísna sama er mér.

Fljótt hér tíminn líður

kominn október.

Ég heyri Haffa kalla

með Arngrími í kór.

Ég skelli skollaeyrum

og skola niður bjór.

 

Höf. JM 2002